சுறாக்களில் போதைப்பொருட்கள், காஃபின்; கவலைக்குரிய நிலை

 

 

 

மனிதத் தலையீட்டால் சுறாக்கள் பெரும் அச்சுறுத்தலை எதிர்கொள்கின்றன. சமீபத்திய ஆய்வில், பஹாமாஸில் உள்ள சுறாக்களில் போதைப்பொருட்கள், காஃபின் மற்றும் வலி நிவாரணிகள் இருப்பதைக் ஆராய்ச்சியாளர்கள் கண்டறிந்துள்ளனர்.

பிரேசில் மற்றும் சிலியைச் சேர்ந்த ஆராய்ச்சியாளர்கள் அப்பகுதியில் உள்ள 85 சுறாக்களை ஆய்வு செய்தனர். சட்டப்பூர்வமான மற்றும் சட்டவிரோதமான 24 வகையான போதைப்பொருட்களை அவை கொண்டுள்ளதா என்பதைக் கண்டறிவதே இந்த முயற்சியின் நோக்கமாக இருந்தது.

ஆய்விற்காகத் தேர்ந்தெடுக்கப்பட்டவற்றில், எலூதெரா தீவுக்கு அருகிலுள்ள கடலில் வாழும் 28 சுறாக்களில் காஃபின், கோகோயின் மற்றும் வலி நிவாரணிகள் போன்ற பொருட்கள் இருப்பது கண்டறியப்பட்டது.

இந்த போதைப்பொருட்கள் சுறாக்களால் வேண்டுமென்றே உட்கொள்ளப்படுவதில்லை, மாறாக மாசுபாடு காரணமாக அவற்றின் உடலுக்குள் வலுக்கட்டாயமாக செலுத்தப்படுகின்றன என்பது கவலையளிக்கிறது.